THE MONEY KEYACADEMY
سجل الآن
Study in Bulgaria · EU

ادرس طب أو هندسة ببلغاريا.
وفريقنا معك من أول ورقة لحد ما تستقر.

من ترجمة أوراقك وتصديقها، لحد ما نستقبلك ونتابع معك السكن، فريق The Money Key Academy معك خطوة بخطوة. وإلنا فريق موجود ببلغاريا.

افحص علاماتك سجّل للاستفسار
طب بشريهندسة معماريةهندسة مدنيةهندسة كهرباءهندسة ميكانيك
Why Bulgaria

ليش بلغاريا وما نروح على دولة تانية؟

جورجيا، رومانيا، اسطنبول… كلها خيارات. بس بلغاريا بتجمع شهادة أوروبية، دراسة بالإنجليزي، وتكاليف معيشة معقولة.

01

دراسة بالاتحاد الأوروبي

بلغاريا عضو بالاتحاد الأوروبي، وبتدرس فيها جوّا منظومة التعليم العالي الأوروبية.

02

شهادة معترف فيها بدول الاتحاد

بتتخرّج بشهادة أوروبية معترف فيها بدول الاتحاد الأوروبي.

03

شنغن واليورو

بلغاريا عضو بمنطقة شنغن، وعملتها اليورو.

04

نظام دراسة أوروبي

الجامعات ماشية على نظام بولونيا ونقاط الدراسة الأوروبية (ECTS).

05

معيشة بأسعار معقولة

تكاليف المعيشة ببلغاريا معقولة، وهاد بيسهّل عليك تخطّط ميزانيتك وقت الدراسة.

06

فريقنا موجود ببلغاريا

فريقنا بيستقبلك لما توصل، وبيتابع معك السكن وأول خطواتك.

The package

شو بتشمل باقة السنة الأولى؟

ست خدمات بتغطّي تجهيز ملفك، وتقديمه للجامعة، وأول خطواتك ببلغاريا.

  1. ترجمة كاملة لأوراقكمنترجم كل أوراقك من العبري للبلغاري.
  2. تصديق الأوراق الرسميةمنرتّبلك تصديق أوراقك عند الجهات الرسمية.
  3. تقديم الملف ومتابعة القبولمنقدّم ملفك لقسم الطلاب الأجانب بالجامعة، ومنتابع معك إصدار القبول.
  4. استقبال ومتابعة السكن الجامعيفريقنا بيستقبلك ببلغاريا، وبيتابع معك ترتيبات السكن الجامعي.
  5. مساعدة بإصدار الهويةمنساعدك بمعاملات الهوية بدائرة الهجرة والجوازات.
  6. فتح حساب بنكيمنرتّب معك فتح حساب بنكي ببلغاريا.
Majors & requirements

التخصصات وشروط القبول

طب بشري، هندسة مدنية، كهرباء، ميكانيك أو معمارية. كل هالتخصصات الدراسة فيها بالإنجليزي، وتحت بتلاقي شروط كل واحد حسب علامات صف 12.

ENGLISH PROGRAM

طب بشري

  • بيولوجيا60%+
  • كيمياء60%+

القسط بيختلف حسب الجامعة والسنة.

ENGLISH PROGRAM

هندسة مدنية، كهرباء، ميكانيك

  • رياضيات60%+
  • فيزياء60%+

القسط بيختلف حسب الجامعة والسنة.

ENGLISH PROGRAM

هندسة معمارية

  • رياضيات60%+
  • فيزياء60%+
  • مادة الرسم بكشف العلاماتضروري

في فحص رسم للقبول، فلازم تكون مادة الرسم موجودة بكشف علامات صف 12.

Quick check

علاماتك بتناسب التخصص اللي ببالك؟

جرّب الفاحص وخود فكرة أولية عن التخصصات اللي علاماتك بتناسب شروطها. حط علاماتك من كشف صف 12، والقرار النهائي بيضل للجامعة.

العلامات المعبّاية هي مثال، غيّرها لعلاماتك.

The route

من البيت لمقعد الجامعة، بأربع خطوات

STEP 01

الأوراق

منرتّب معك الأوراق المطلوبة، منترجمها من العبري للبلغاري، ومنتابع تصديقها.

STEP 02

القبول

منقدّم ملفك لقسم الطلاب الأجانب بالجامعة، ومنتابع إصدار القبول.

STEP 03

الفيزا

منساعدك تجهّز طلب فيزا D، وإنت بتقدّمه بسفارة بلغاريا بتل أبيب، بموعد مسبق ومقابلة شخصية.

STEP 04

الوصول

فريقنا بيستقبلك ببلغاريا، وبيتابع معك السكن الجامعي والهوية وفتح الحساب البنكي.

Visa D · Tel Aviv

شروط فيزا D من سفارة بلغاريا بتل أبيب

منمشي معك على شروط فيزا D خطوة بخطوة، ومنساعدك تجهّز ملفك حسب طلبات السفارة قبل موعد المقابلة. هون بتشوف شو منجهّزلك إحنا، وشو بتجهّز إنت.

علينا، ضمن الباقة

  • ترجمة كل الأوراق للبلغاري وتصديقهاالسفارة بتطلب كل الأوراق مترجمة للبلغاري ومصدّقة.
  • القبول الجامعيشهادة القبول للدراسة ببلغاريا، وإفادة من الجامعة عن الفصل اللي انسجلت فيه.
  • متابعة السكن ببلغاريامنساعدك بإثبات السكن اللي بينطلب مع الملف.

عليك، بتجهّزها إنت

  • جواز سفر ساريساري 18 شهر على الأقل، وفيه صفحتين فاضيين، مع نسخة عن صفحة المعلومات.
  • طلب الفيزا وصورةطلب الفيزا معبّى وموقّع، وصورة ملونة حديثة بحجم جواز سفر.
  • تأمين صحيلكل فترة الإقامة، من شركة مرخّصة بالاتحاد الأوروبي، بتغطية 30,000 يورو على الأقل، وبيشمل العلاج الطارئ والإعادة للبلد.
  • شهادة حسن سلوك (لا حكم عليه)لمين عمره فوق 18. صلاحيتها محدودة، فطلّعها قريب من موعد التقديم.

متى بتقدّم؟ مش أبكر من 3 شهور قبل موعد السفر.

المقابلة: شخصية وإلزامية، وكل زيارة للقسم القنصلي بدها موعد مسبق.

تحت 18 سنة؟ الطلب بيقدّموه الأهل الاتنين، أو واحد منهم مع موافقة موقّعة عند كاتب عدل من التاني.

بعد ما توصل: فيزا D هي للدخول. ببلغاريا بتقدّم على تصريح الإقامة والهوية، وهون منساعدك إحنا.

المصدر: قائمة أوراق فيزا D من وزارة الخارجية البلغارية. السفارة ممكن تطلب أوراق زيادة حسب كل حالة.

أول يوم ببلد جديد فيه حماس، وفيه أسئلة كتير.
ومعنا، مش رح تكون لحالك.

لما توصل، فريقنا ببلغاريا بيكون باستقبالك، وبيتابع معك السكن وأول خطواتك.

للأهل

طبيعي يكون أول سؤال ببالكم: «مين رح يكون معه لما يوصل؟» فريقنا موجود ببلغاريا، ومن أول تواصل بتعرفوا مين بيتابع مع ابنكم أو بنتكم، وشو الخطوة الجاي.

FAQ

أسئلة بتوصلنا كتير

لازم أعرف بلغاري عشان أدرس؟

لا. الدراسة بالتخصصات اللي منعرضها بالإنجليزي، والسنة التحضيرية كمان بالإنجليزي، فما بتحتاج بلغاري عشان تدرس.

شو العلامات المطلوبة لكل تخصص؟
  • طب بشري: 60% وفوق بالبيولوجيا وبالكيمياء.
  • هندسة مدنية، كهرباء، ميكانيك: 60% وفوق بالرياضيات وبالفيزياء.
  • هندسة معمارية: 60% وفوق بالرياضيات وبالفيزياء، ولازم تكون مادة الرسم بكشف علامات صف 12 لأنه في فحص رسم.
قسط الجامعة داخل بالـ 7,500 يورو؟

الـ 7,500 يورو بتغطّي خدمات باقة السنة الأولى (السنة التحضيرية). قسط الجامعة بتدفعه للجامعة مباشرة، والتأمين الصحي تكلفته منفصلة. القسط بيختلف حسب الجامعة والسنة.

وين الشهادة معترف فيها؟

الشهادة أوروبية ومعترف فيها بدول الاتحاد الأوروبي. إذا بدك تعادلها برّا الاتحاد، الشروط والإجراءات بتختلف من بلد لبلد.

مين بيستقبلني لما أوصل؟

فريقنا الموجود ببلغاريا بيستقبلك، وبيتابع معك ترتيبات السكن الجامعي.

Your key to Europe · Registration

خلّينا نحكي عن دراستك ببلغاريا

اترك معلوماتك، وفريقنا بيتواصل معك لنحكي عن التخصص اللي ببالك، شروطه، وشو بتحتاج للخطوة الأولى.